ОАВ вакиллари, футбол шарҳловчилари, журналистлар ва блогерлар учун 2026-йилги мавсум олдидан махсус семинар бўлиб ўтди
Ўзбекистон футбол ассоциацияси ҳамда Ўзбекистон футбол ҳакамлари маркази томонидан ОАВ вакиллари, футбол шарҳловчилари, журналистлар ва блогерлар учун 2026-йилги мавсум олдидан махсус семинар ташкил этилди.
Тадбир давомида ҳакамлик соҳасига оид янгиликлар, футбол қоидаларига киритилган ўзгаришлар ва уларнинг амалиётдаги қўлланилиши батафсил тушунтириб берилди.
Шарҳловчи ва журналистлар VAR техникаси орқали бевосита ўйин вазиятлари бўйича қарор чиқаришда иштирок этишди. Шунингдек, VAR ускуналари ва техник имкониятлари иштирокчиларга кўрсатилди.
Семинар доирасида очиқ мулоқот ташкил этилиб, ОАВ вакилларининг қизиқтирган саволларига мутахассислар томонидан атрофлича жавоб берилди, турли ўйин вазиятлари таҳлил қилинди.
Мазкур семинар 2026-йилги мавсум Суперлига, Про лига, Биринчи лига, аёллар Олий лигаси ва кубок баҳслари олдидан ҳакамлик фаолияти юзасидан очиқлик ва шаффофликни таъминлаш, шунингдек, жамоатчиликка тўғри ва тезкор ахборот етказиш мақсадида ташкил этилди.
