«Ньюкасл» японалик дарвозабон Судзукига қизиқиш билдирмоқда
Англиянинг «Ньюкасл Юнайтед» клуби «Парма» ва Япония терма жамоаси дарвозабони Дзион Судзуки трансфери бўйича дастлабки музокараларни ўтказди. Бу ҳақда Chronicle Live нашри хабар берди.
Манбага кўра, 23 ёшли посбоннинг вакиллари аллақачон инглиз клуби раҳбарияти билан алоқа ўрнатган. Судзукининг трансфер қиймати тахминан 20 миллион евро (17 миллион фунт стерлинг) деб баҳоланмоқда.
Шунга қарамай, «Ньюкасл» учун дарвозабон позициясидаги асосий устувор номзод ҳали ҳам Жеймс Траффорд бўлиб қолмоқда. Клуб жорий трансфер ойнаси ёпилгунга қадар янги дарвозабон масаласида якуний қарор қабул қилиши кутилмоқда.
2025/2026 йилги мавсумда Дзион Судзуки барча мусобақаларда 24 та учрашувда майдонга тушди. Япониялик дарвозабон 33 та гол ўтказиб юборди ва 6 та ўйинда ўз дарвозаси дахлсизлигини сақлаб қолди.
