«Ньюкасл» Траффордни ўз сафига қўшиб олмоқчи
У "шаҳарликлар"да захира посбонига айланиб қолди.
ФОТО: Getty images
"Манчестер Сити" дарвозабони Жеймс Траффорд қишки трансфер ойнаси вақтида жамоасини алмаштириши мумкин.
TEAMtalk хабарига кўра, 23 ёшли кипер “Ньюкасл" эътиборига тушиб қолди.
Траффорд Жанлуижи Доннарумма келганидан сўнг "шаҳарликлар"нинг асосий таркибидаги ўрнини йўқотди. Англиялик футболчини захира ўйинчиси роли қониқтирмайди.
Вазиятдан хабардор "Ньюкасл" уни ўз сафига қўшиб олмоқчи - битим қишки трансферлар вақтида амалга ошиши мумкин.
"Қарғалар" Жеймс Траффордни ёзда "Бёрнли"да ўйнаган пайтидаёқ ўз сафига қўшиб олишга ҳаракат қилишган, аммо футболчи "Манчестер Сити"га қайтишни афзал кўрган.
Розикжон Султонмуродов
Журналист