«Ньюкасл» Рэмси трансферини эълон қилди
Фото: Getty Images
“Астон Вилла” ярим химоячиси Жейкоб Рэмси “Ньюкасл”га ўтди. Бу ҳақда "қарғалар" матбуот хизмати хабар берди.
Қайд этилишича, 24 ёшли футболчи клуб билан узоқ муддатли меҳнат шартномасига имзо чекди. Келишув тафсилотлари кўрсатилмаган.
Инсайдер Фабрицио Романога кўра, Рэмсининг трансфери "Ньюкасл"га 46 миллион еврога тушган.
Рэмси "Астон Вилла" академияси тарбияланувчиси саналади. Бутун давр мобайнида у асосий жамоа таркибида 167 та ўйин ўтказиб, 17 та гол урди ва 19 та голли узатма муаллифига айланди.
Баҳром Бобонов
Редактор