«Ньюкасл» Маттиас Яйсслени бош мураббийи этиб тайинлаганини эълон қилди
«Ньюкасл» клуби Маттиас Яйсслени бош мураббийи этиб тайинлаганини эълон қилди.
Қайд этилишича, германалик 38 ёшли мутахассис «қарғалар»ни 2029 йилнинг ёзига қадар бошқаради. Бунга қадар у 2023 йилдан буён Саудия Арабистонининг «Ал-Ахли» жамоасида фаолият юритган эди. Клуб билан кетма-кет икки бор Элита Осиё Чемпионлар Лигасида ғолиб чиқди.
«Ньюкасл» бош мураббийига айланганим мен учун катта шараф. Бу Европа футболидаги энг йирик клублардан бири бўлиб, ўзига хос тарих, анъана ва содиқ мухлисларга эга. Бу клубнинг муҳити ва мухлислар иштиёқини шахсан ҳис қилиш имкониятидан жуда мамнунман. Клубнинг юксак мақсадлари, келажакка қаратилган режалари ва имкониятлари уни жуда ҷозибадор қилади. Мен сўнгги йилларда клубнинг ривожланишини диққат билан кузатиб келдим ва эришилган тараққиёт барчага яққол кўриниб турибди. Келажак мен учун жуда илҳомлантирувчи.
Мен ушбу лойиҳага, клубнинг мақсадлари ва танланган йўлига тўлиқ ишонаман. Бу ерда аниқ стратегия, кучли раҳбарият ва янада юксалиш учун мустаҳкам пойдевор мавжуд. Футболчилар, мураббийлар штаби ва раҳбарият билан биргаликда ишлаб, «Ньюкасл»ни янада юқори поғоналарга олиб чиқишни интизорлик билан кутяпман. Клубнинг янги ютуқларга эришиши учун бор кучимни сафарбар қиламан», — деди Яйссле клуб расмий сайтига берган интервьюсида.
