«Ньюкасл» Этиките учун 70 млн евро таклиф қилди
Фото: Getty Images
“Ньюкасл” клуби Уго Экитик учун 70 миллион евро миқдорида таклиф йўллади. Бу ҳақда журналист Фабрицио Романо хабар берди.
Манбага кўра, “Айнтрахт” футболчини бундан қимматроқ суммага сотишни режалаштирган. Томонлар ўртасида музокаралар ҳозирча давом этмоқда.
23 ёшли Угонинг франкфуртликлар билан шартномаси 2029 йил июнгача мўлжалланган. Таъкидланишича, немис клуби Экитикни 100 миллион евродан арзонга сотмоқчи эмас.
Франциялик футболчи ўтган Бундеслига мавсумида 33 та ўйинда иштирок этиб, 15 та гол ва 8 та ассист қайд этган.
Баҳром Бобонов
Редактор