“Нюкасьл” Александр Исакка ўринбосар топди
ФОТО: Football Italia
Англиянинг “Нюкасьл” клуби “Фиорентина” ҳужумчиси Мойзе Кинга қизиқиш билдирмоқда. Бу ҳақда Calciomercato нашри хабар берди.
Манбага кўра, “Нюкасьл” италиялик ҳужумчини ёзда жамоани тарк этиши кутилаётган Александр Исак ўрнига олиб келмоқчи. Ҳозирда швециялик футболчи учун “Арсенал” ва “Челси” кураш олиб бормоқда.
Қайд этилишича, Мойзе Киннинг флоренсияликлар билан шартномасидаги товон пули 52 миллион еврони ташкил қилади, “Нюкасьл” эса бу маблағни тўлашга тайёр.
Эслатиб ўтамиз, Кин жорий мавсум бошида 13 миллион евро эвазига “Ювентус”дан “Фиорентина”га ўтганди. У янги жамоаси сафида 34 та ўйинда майдонга тушиб, 20 та гол урди ва 3 та голли узатмани амалга оширди.
Насрулло Каримов
Журналист