Нюбел фаолиятини Туркия чемпионатида давом эттириши мумкин
Футболчининг мюнхенликлар билан амалдаги меҳнат шартномаси 2029 йилнинг ёзигача мўлжалланган.
ФОТО: Getty images
Мюнхеннинг «Бавария» клуби дарвозабони Александр Нюбел фаолиятини Истанбулнинг «Бешиктош» клубида давом эттириши мумкин. Бу ҳақда журналист Флориан Плеттенберг X ижтимоий тармоғида хабар берди.
Футболчининг мюнхенликлар билан амалдаги меҳнат шартномаси 2029 йилнинг ёзигача мўлжалланган, 2023 йилдан буён у «Штутгарт» сафида ижара асосида тўп суриб келаётганди.
Таъкидланишича, Нюбел турк клубининг дарвозабон позициясини кучайтириш учун асосий мақсади ҳисобланади.
Музокаралар аллақачон олиб борилмоқда, эҳтимолий келишув қиймати 10 миллион евродан ортиққа баҳоланмоқда. Дарвозабоннинг ўзида ҳам фаолиятини давом эттириш учун бошқа вариантлар мавжуд.
Ўтган клуб мавсумидаги 49 та ўйинда Нюбел 14 марта ўз дарвозаси дахлсизлигини сақлаб қолган.