Nyubel faoliyatini Turkiya chempionatida davom ettirishi mumkin
Myunxenning "Bavariya" klubi darvozaboni Aleksandr Nyubel faoliyatini Istanbulning "Beshiktosh" jamoasida davom ettirishi mumkin. Bu haqda jurnalist Florian Plettenberg X ijtimoiy tarmog'ida xabar berdi.
Futbolchining myunxenliklar bilan amaldagi mehnat shartnomasi 2029 yilning yozigacha mo'ljallangan, 2023 yildan beri u "Shtutgart" safida ijara asosida to'p surib kelayotgan edi.
Ta’kidlanishicha, Nyubel turk klubining darvozabon pozitsiyasini kuchaytirish uchun asosiy maqsad sifatida ko‘rilmoqda.
Muzokaralar allaqachon olib borilmoqda, ehtimoliy kelishuv qiymati 10 million yevrodan ortiq baholanmoqda. Darvozabonning o‘zida ham faoliyatini davom ettirish uchun boshqa variantlar mavjud.
O‘tgan klub mavsumidagi 49 ta o‘yinda Nyubel 14 marta o‘z darvozasini daxlsiz saqlab qolgan.