Нуронийлар ўртасида футбол мусобақаси бўлиб ўтди
PHOTO: Telegram
Бектемир тумани 1-сонли спорт мактаби яна бир спорт мусобақасига мезбонлик қилди. Бу сафар ушбу масканда 60 ёшдан катта нуронийлар ўртасида футбол бўйича туманлараро турнир ташкил этилди.
Мусобақанинг тантанали очилиш маросимида Бектемир тумани ҳокими Нурилла Абдурахмонов иштирок этди. У барча жамоаларга муваффақият тилаб, фаол нуронийларнинг ёшларга ибрат бўлаётганини алоҳида таъкидлади. Шунингдек, ҳоким рамзий тарзда биринчи тўпни ўйнаш орқали мусобақани расман очиб берди.
Турнирда Бектемир, Яккасарой, Чилонзор ва Юнусобод туманларидан ташриф буюрган терма жамоалар иштирок этди. Қизғин ва дўстона руҳда ўтган баҳсларда Чилонзор тумани жамоаси ғолибликни қўлга киритди.
Иброҳим Жалолов
Редактор