Нури Шаҳин «Башакшеҳир» бош мураббийига айланди
У клуб билан уч йиллик битим имзолаган.
Фото: Башакшехир
Туркиялик машҳур мутахассис Нури Шаҳин Истанбулнинг “Башакшеҳир” клуби бош мураббийи этиб тайинланди. Бу ҳақда клуб матбуот хизмати хабар берди.
Қайд этилишича, клуб Шаҳин билан 3 йиллик шартнома имзолаган.
Шаҳин мураббийлик фаолиятини 2021 йилда “Антальяспор”да бошлаган. У дастлаб Эден Терзич бошчилигидаги мураббийлар штабида ёрдамчи бўлган. Кейинчалик Германиянинг “Боруссия Дортмунд” клубига йўл олган мутахассис 2024/25 йилги мавсум бошида Дортмунд клубининг бош мураббийига айланганди. Аммо ёмон натижалар сабаб 6 ой ўтиб лавозимини тарк этди.
Эслатиб ўтамиз, “Башакшеҳир” сафида ўзбекистонлик икки нафар футболчи — Аббосбек Файзуллаев ҳамда Элдор Шомуродов тўп суради.
Розикжон Султонмуродов
Журналист