Nuri Shahin «Bashakshehir» bosh murabbiyiga aylandi
U klub bilan uch yillik bitim imzolagan.
Фото: Башакшехир
Turkiyalik mashhur mutaxassis Nuri Shahin Istanbulning "Bashakshehir" klubi bosh murabbiyi etib tayinlandi. Bu haqda klub matbuot xizmati xabar berdi.
Qayd etilishicha, klub Shahin bilan 3 yillik shartnoma imzolagan.
Shahin murabbiylik faoliyatini 2021 yilda "Antalyaspor"da boshlagan. U dastlab Edin Terzich boshchiligidagi murabbiylar shtabida yordamchi bo'lgan. Keyinchalik Germaniyaning "Borussiya Dortmund" klubiga yo'l olgan mutaxassis 2024/25 yilgi mavsum boshida Dortmund klubining bosh murabbiyiga aylangandi. Ammo yomon natijalar sabab 6 oy o'tib lavozimini tark etdi.
Eslatib o'tamiz, "Bashakshehir" safida o'zbekistonlik ikki nafar futbolchi — Abbosbek Fayzullaev hamda Eldor Shomurodov to'p suradi.
Roziqjon Sultonmurodov
Jurnalist