Нуну Мендеш: “Ҳамма зарбани Роналду тепишини кутганди”
Португалиялик футболчи Ўзбекистонга қарши ўйин ҳақида фикр билдирди.
ФОТО: Getty Images
Португалия терма жамоаси ҳимоячиси Нуну Мендеш Ўзбекистонга қарши учрашувда жарима зарбасидан урган голи ҳақида фикр билдирди.
“Ҳамма зарбани Криштиану Роналду тепишини кутганди. Бу олдиндан режалаштирилган комбинация эди ва у жуда яхши ишлади,” — деди Мендеш.
Эслатиб ўтамиз, Португалия — Ўзбекистон учрашувининг 17-дақиқасида жарима зарбаси олдидан Роналду ўзининг одатий ҳолатини эгаллади ва стадиондаги деярли барча унинг зарба беришини кутди. Бироқ кутилмаганда зарбани Нуну Мендеш амалга ошириб, ҳисобни 2:0 кўринишига олиб келди.
Учрашув Португалиянинг 5:0 ҳисобигаги ғалабаси билан якунланди. Криштиану Роналду эса дубль қайд этиб, Жаҳон чемпионатлари тарихида олти хил мундиалда гол урган илк футболчига айланди.
Насрулло Каримов
Журналист