Nunu Mendesh: “Hamma zarbani Ronaldu tepishini kutgandi”
Portugaliya terma jamoasi himoyachisi Nunu Mendesh Oʻzbekistonga qarshi uchrashuvda jarima zarbasidan urgan goli haqida fikr bildirdi.
“Hamma zarbani Krishtianu Ronaldu tepishini kutgandi. Bu oldindan rejalashtirilgan kombinatsiya edi va u juda yaxshi ishladi,” — dedi Mendesh.
Eslatib oʻtamiz, Portugaliya — Oʻzbekiston uchrashuvining 17-daqiqasida jarima zarbasi oldidan Ronaldu oʻzining odatiy holatini egalladi va stadiondagi deyarli barcha uning zarba berishini kutdi. Biroq kutilmaganda zarbani Nunu Mendesh amalga oshirib, hisobni 2:0 koʻrinishiga olib keldi.
Uchrashuv Portugaliyaning 5:0 hisobidagi gʻalabasi bilan yakunlandi. Krishtianu Ronaldu esa dubl qayd etib, Jahon chempionatlari tarixida olti xil mundialda gol urgan ilk futbolchiga aylandi.
