Новак Жокович жароҳати сабаб Майамидаги «Masters» турнирида иштирок этмайдиган бўлди
«Катта дубулға» тоифасига кирувчи турнирларнинг 24 карра чемпиони, жаҳоннинг учинчи ракеткаси сербиялик теннисчи Новак Жокович ўнг елкасидан олган жароҳати сабабли Майамида (АҚШ) бўлиб ўтадиган «Masters» турнирида иштирок этмайдиган бўлди. Бу ҳақда Tennis One App хабар бермоқда.
Эслатиб ўтамиз, ўтган йили Майами «Masters» турнирида финалгача етган Жокович ҳал қилувчи баҳсда чехиялик Якуб Меншикка 6:7 (4:7), 6:7 (4:7) ҳисобида имкониятни бой берган эди. Сербиялик теннисчи ушбу турнирада олти бор (2007, 2011, 2012, 2014, 2015 ва 2016 йилларда) ғолибликни қўлга киритган. Жорий йили ATP-1000 тоифасидаги мазкур мусобақа 18–23 март кунлари бўлиб ўтиши режалаштирилган.
Аввалроқ Жокович Индио-Уэллсдаги (АҚШ) «Masters» турнирида қатнашиб, тўртинчи даврада ўтган йилги чемпион, британиялик теннисчи Жек Дрейперга 6:4, 4:6, 6:7 (5:7) ҳисобида мағлуб бўлган эди.
