«Ноттингем Форест» ва Дайч ўзаро келишиб олишган
Аввалроқ, Манчини ушбу клубнинг таклифини рад этганди.
ФОТО: Getty images
Анге Постекоглу истеъфога чиқарилгач, "Ноттингем Форест"ни ким бошқариши маълум бўлди.
Инсайдер Фабрицио Романонинг маълум қилишича, "Эвертон"нинг собиқ устози Шон Дайч "ўрмончилар" бош мураббийи бўлади.
Ҳозирда томонлар музокараларнинг якуний босқичини ўтказишмоқда.
Аввалроқ, "Ноттингем Форест" ва Роберто Манчини ўртасидаги музокаралар муваффақиятсизликка учраганидан сўнг, клуб Дайч билан шартномани деярли келишиб олган.
"Ноттингем Форест" 8 турдан сўнг хавфли зонада қолмоқда ва турнир жадвалида 18-ўринни эгаллаб турибди. Жамоа ҳисобида атиги беш очко бор.
Розикжон Султонмуродов
Журналист