«Ноттингем Форест» Рейндерсни сотиб олмоқчи

Англиянинг «Ноттингем Форест» клуби «Манчестер Сити» ярим ҳимоячиси Тиджани Рейндерсни ўз сафига қўшиб олишни режалаштирмоқда. Бу ҳақда TEAMtalk нашри хабар берди.

Манба маълумотига кўра, 28 ёшли нидерландиялик марказий ярим ҳимоячи «ўрмончилар»нинг ушбу трансфер ойнасидаги энг устувор мақсадларидан бири ҳисобланади. Шунингдек, «Манчестер Сити» футболчи бўйича 70 миллион евро атрофидаги таклифларни кўриб чиқишга тайёр экани айтилмоқда.

Эслатиб ўтамиз, «шаҳарликлар» Рейндерсни ўтган ёзда Италиянинг «Милан» клубидан 55 миллион евро эвазига харид қилган эди.

Нидерландиялик ярим ҳимоячи «Манчестер Сити» сафида ҳозиргача 28 та учрашувда майдонга тушиб, 5 та гол урди ҳамда 2 та голли узатма амалга оширди.

Розикжон Султонмуродов

Журналист