«Ноттингем Форест» Макати борасида «Сити»га таклиф юборди
Фото: Getty Images
“Манчестер Сити" ва "Ноттингем Форест" Жеймс Макати трансфери бўйича келишувга яқин. Бу ҳақда Фабрицио Романо хабар бермоқда.
Манба маълумотларига кўра, "шаҳарликлар" ярим ҳимоячи учун "Ноттингем"нинг 25 миллион фунтлик таклифини рад этганди.
Ҳозирга келиб томонлар музокараларни фаол тарзда олиб бормоқда ва тез орада якунлаши мумкин. Футболчининг трансфер суммаси 20 миллион фунтдан ошади. "Ноттингем Форест" ушбу келишувни амалга оширишга ишонч билдирмоқда.
Эслатиб ўтамиз, 22 ёшли футболчи ўтган мавсум барча турнирларда 27 та баҳсда майдонга тушиб, 7 та гол урган.
Розикжон Султонмуродов
Журналист
