«Ноттингем Форест» Эду Гаспарни истеъфога чиқарди — The Telegraph
Бразилиялик функциянер Эду Гаспар «Ноттингем Форест» клубининг футбол йўналиши раҳбари лавозимини тарк этмоқда. Бу ҳақда The Telegraph нашри хабар берди.
Манбага кўра, Эдунинг машғулот базаси ва клубнинг уй стадионига кириши тақиқланган — у жамоанинг сўнгги учта ўйинини ўтказиб юбoрди.
Эду 2025 йил июль ойида «Арсенал»даги муваффақиятли фаолиятидан сўнг катта умидлар билан клубга келган эди. Бироқ унинг саккиз ойлик бошқаруви давомида «Ноттингем Форест»да тўртта мураббий алмашди: мавсум Нуну Эшпириту Санту билан бошланди, ундан кейин Ангелос Постекоглу, Шон Дайч ва ҳозирги мураббий Витор Перейра ишлади. Бу вақт ичида трансферлар учун қарийб 200 миллион фунт стерлинг (232,4 миллион евро) сарфланди, аммо натижалар қониқарсиз бўлиб қолди.
Айни дамда «Ноттингем Форест» АПЛда 28 очко билан 17-ўринни эгаллаб турибди. Эдунинг расмий эълонгача бўлган сўнгги кузатган ўйини «Манчестер Сити»га қарши ўз уйидаги дуранг (2:2) бўлди. Бразилиялик мутахассиснинг кетиши мавсум якунга қадар расман эълон қилиниши кутилмоқда.
