«Ноттингем Форест» Дуглас Луис билан келишиб олди
Фото: Getty Images
“Ювентус” ярим ҳимоячиси Дуглас Луис яна Англия Премьер-лигасида тўп тепади. Бу ҳақда Globo хабар тарқатмоқда.
Футболчи “Ноттингем Форест” билан келишиб олди. “Ўрмончилар” бразилиялик футболчининг трансфери учун 30 миллион евро сарфлайди. Луис клуб билан 5 йиллик битим имзолайди.
“Зебралар” ўтган йили уни “Астон Вилла”дан сотиб олганди. У А Серияда 19та учрашувда майдонга тушиб, бирорта ҳам гол ура олмади.
Футболчига “Вест Хэм” клуби ҳам қизиқиш билдираётганди. Бироқ у Лондон клуби билан келиша олмади.
Баҳром Бобонов
Редактор
