«Ноттингем Форест» Андерсонни сотишга тайёр. Унга трансфер нарх белгиланди
Унинг амалдаги шартномаси 2029 йилнинг 30 июнига қадар мўлжалланган.
ФОТО: Getty images
“Ноттингем Форест” ярим ҳимоячиси Эллиот Андерсон фаолиятини топ-клубда давом эттириши мумкин.
The Athletic нашрининг хабарига кўра, “Манчестер Юнайтед” хавбек билан шартнома имзолашга қизиқиш билдирмоқда. Бироқ “ўрмончилар” Андерсоннинг трансферидан камида 144 миллион евро ишлаб олмоқчи.
Эллиот Андерсон 2024 йилда “Ньюкасл”дан “Ноттингем”га 41 миллион евро эвазига ўтган эди. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда ярим ҳимоячи “Ноттингем Форест” сафида барча турнирларда 43 та ўйинда майдонга тушиб, 2 та гол урди ва 3 та голли узатмани амалга оширди.
Розикжон Султонмуродов
Журналист