Норвегия терма жамоаси ЖЧ-2026га ўзи билан бир тоннадан ортиқ озиқ-овқат олиб келди
Норвегия миллий терма жамоаси 2026-йилги Жаҳон чемпионатида иштирок этиш учун ўзи билан бирга бир тоннадан зиёда махсус озиқ-овқат маҳсулотларини олиб келди. Бу ҳақда Diario AS нашри хабар тарқатди.
Норвегияликларнинг АҚШнинг Шимолий Каролина штати, Гринсборо шаҳридаги қароргоҳига келтирилган маҳсулотлар рўйхатидан 6000 дона апельсин, 300 кг Атлантика лососи ва оқ балиқ, шунингдек, 116 кг миллий жигарранг пишлоқ ўрин олган.
Бундан ташқари, футболчилар ва мураббийлар штаби билан бирга терма жамоанинг шахсий шеф-ошпази ҳам АҚШга ташриф буюрган. Бундай юқори тайёргарлик футболчиларнинг парҳез сифати барқарорлигини таъминлаш, шунингдек, уларнинг ҳазм қилиш тизими, уйқу сифати ёки ўйинларга тайёргарлигига салбий таъсир кўрсатиши мумкин бўлган ҳар қандай кутилмаган хавфларни бартараф этишга қаратилган.
Эслатиб ўтамиз, гуруҳ босқичининг 1-турида Ироқ терма жамоаси устидан қўзонилган ишончли ғалабадан (4:1) сўнг, Норвегия "I" гуруҳида биринчи ўринни эгаллаб турибди. Гуруҳнинг кейинги турларида жамоа Сенегал (23-июн) ва Франция (26-июн) терма жамоаларига қарши майдонга тушади.