Норвегия FIFA’дан Балогун иши бўйича хатосини тан олишни талаб қилди
Мамлакат футбол федерацияси FIFA Этика қўмитасига расмий шикоят киритмоқчи.
ФОТО: Getty Images
Норвегия футбол федерацияси FIFA раҳбариятидан АҚШ терма жамоаси ҳужумчиси Фоларин Балогун билан боғлиқ баҳсли қарор юзасидан хато қилинганини расман тан олишни талаб қилмоқда. Федерация президенти Лисе Клавенесс яқин кунларда FIFA Этика қўмитасига расмий шикоят киритишни режалаштираётганини маълум қилди.
Норвегияликлар фикрича, Балогуннинг қизил картадан кейинги дисквалификациясининг бекор қилиниши FIFA қарорларининг мустақиллигига путур етказган. Шунингдек, улар бу жараёнда сиёсий аралашув бўлгани ҳақидаги иддаоларни ҳам текширишни талаб қилмоқда.
Клавенесснинг таъкидлашича, FIFA ушбу воқеа юзасидан очиқ позиция билдириб, хатога йўл қўйилганини тан олиши футбол бошқарувига бўлган ишончни тиклаш учун муҳим қадам бўлади.
Насрулло Каримов
Журналист