Нодир Абдураззаковга РПЛдан қизиқиш бор
Ўзбекистон олимпия терма жамоаси ва ОКМК футболчиси Нодир Абдураззаков Россия Премьер-лигаси клубларидан бирига ўтиши мумкин. Россиялик инсайдер Ваня Карповга берилаётган саволлардан бири — нима учун ҳозирда РПЛда бирорта ҳам ўзбек футболчиси йўқ ва яқин фурсатларда кимларни кутса бўлади, деган масала бўлди.
Иваннинг сўзларига кўра, РПЛга ўтиш имконияти энг юқори бўлган футболчи — бу Нодир Абдураззаков. Шунингдек, ЦСКА жамоаси ҳозирча ўзбек ёшлар терма жамоаси ҳамда “Олимпик-Мобиюз” футболчиси Рустам Фоминни кузатишда давом этмоқда. У ўтган йили Москвада стажировкада ҳам бўлган.
Ваня Карпов, шунингдек, ўзбек футбол бозорини жуда умидбахш деб баҳолади ва уни шартли серб бозори билан солиштирганда ҳам имконият жиҳатидан ортда қолмаслигини таъкидлади.
