Nodir Abdurazzoqovga RPLdan qiziqish bor
O‘zbekiston olimpiya terma jamoasi va OKMK futbolchisi Nodir Abdurazzoqov Rossiya Premyer-ligasi klublaridan biriga o‘tishi mumkin. Rossiyalik insayder Vanya Karpovga berilayotgan savollardan biri — nega hozirda RPLda birorta ham o‘zbek futbolchisi yo‘q va yaqin fursatlarda kimlarni kutsa bo‘ladi, degan masala bo‘ldi.
Ivan so‘zlariga ko‘ra, RPLga o‘tish imkoniyati eng yuqori bo‘lgan futbolchi — bu Nodir Abdurazzoqov. Shuningdek, CSKA jamoasi hozircha o‘zbek yoshlar terma jamoasi hamda “Olimpik-Mobiyuz” futbolchisi Rustam Fominni kuzatishda davom etmoqda. U o‘tgan yili Moskvada stajirovkada ham bo‘lgan.
Vanya Karpov, shuningdek, o‘zbek futbol bozorini juda umidbaxsh deb baholadi va uni shartli serb bozori bilan solishtirganda ham imkoniyat jihatidan ortda qolmasligini ta’kidladi.
