Нико Уильямс: Ҳозирнинг ўзидаёқ фаолиятимнинг охиригача «Атлетик»да қолиш ҳақидаги ҳужжатга жон деб қўл қўйган бўлардим
Бильбаонинг «Атлетик» клуби ва Испания терма жамоаси вингери ўзининг келажаги ҳақидаги саволга жавоб берди.
photo: gettyimages
Бильбаонинг «Атлетик» клуби ва Испания терма жамоаси вингери Нико Уильямс ўзининг келажаги ҳақидаги саволга жавоб берди.
Ўтган ва ундан олдинги йилларда футболчининг «Барселона» ҳамда бошқа топ-клубларга ўтиши борасидаги хабарлар фаол тарқалган эди. Бироқ Нико баскларга содиқ қолди.
«Ҳозирнинг ўзидаёқ фаолиятимнинг охиригача «Атлетик»да қолиш ҳақидаги ҳужжатга жон деб қўл қўйган бўлардим», — дея журналист Фабрицио Романо Уильямснинг сўзларини келтирмоқда.
23 ёшли футболчининг қиймати Transfermarkt портали томонидан 40 миллион евро деб баҳоланган. Якунланган мавсумда Нико Бильбао жамоаси сафида 32 та учрашувда майдонга тушиб, 6 та гол ва 7 та голли узатмани ўз ҳисобига ёздириб қўйди.
Иброҳим Жалолов
Редактор