Нико О'Райли — АПЛ 2025/26 мавсумининг энг яхши ёш футболчиси
Transfermarkt маълумотига кўра, футболчининг бозор қиймати 50 миллион еврони ташкил этади.
ФОТО: Getty images
Нико О'Райли Англия Премьер-лигасида мавсумнинг энг яхши ёш футболчиси деб топилди. Бу ҳақда мусобақа матбуот хизмати ижтимоий тармоқда хабар берди.
«Ҳужумда ёрдам бериш, ҳимояда ишончли бўлиш — Нико О'Райли буларнинг барчасини қила олади», - дейилади лига хабарида.
21 ёшли футболчи ушбу мавсум АПЛ доирасида 34 та учрашувда майдонга тушиб, 5 та гол ва 3 та голли узатмага муаллифлик қилди.
Унинг «Манчестер Сити» билан амалдаги шартномаси 2030 йил ёзига қадар мўлжалланган. Transfermarkt маълумотига кўра, футболчининг бозор қиймати 50 миллион еврони ташкил этади.
Розикжон Султонмуродов
Журналист