Ник Вольтемаде “Ювентус”га ўтиш учун Италияга йўл олди
“Ньюкасл” ҳужумчиси Ник Вольтемаде фаолиятини “Ювентус”да давом эттиришга яқин турибди. 24 ёшли германиялик футболчи тиббий кўрикдан ўтиш ва трансферни якунлаш учун Италияга йўл олди. Бу ҳақда инсайдер Николо Скира хабар берди.
Манбага кўра, “Ювентус” ва “Ньюкасл” футболчининг бир мавсумлик ижараси бўйича келишувга эришган. Турин клуби ижара учун инглиз жамоасига 4 миллион евро тўлайди. Келишувда футболчини сотиб олиш ҳуқуқи кўзда тутилмаган.
Агар тиббий кўрик муваффақиятли якунланса, Вольтемаде “Ювентус” билан шартнома имзолайди ва 2026/27-йилги мавсумни Италия клубида ўтказади. “Ювентус” жисмонан кучли марказий ҳужумчи излаётган эди ва якунда германиялик футболчи вариантида тўхтади.
Маълумот учун, Ник Вольтемаде “Ньюкасл” сафига 2025-йил ёзида келиб қўшилган. Унинг инглиз клуби билан амалдаги шартномаси 2031-йил ёзига қадар мўлжалланган, Transfermarkt эса футболчининг бозор қийматини 55 миллион еврога баҳоламоқда.
