N’Golo Kante фаолиятини «Фенербахче»да давом эттиради — манба
Туркия гранди трансфер учун 4 млн евро тўлайди.
ФОТО: Getty Images
«Al Ittihod» марказий яримҳимоячиси N’Golo Kante фаолиятини Туркия чемпионатида давом эттиради. Тажрибали француз футболчиси «Фенербахче» клуби билан келишувга эришди. Бу ҳақда таниқли инсайдер Флориан Плеттенберг хабар бермоқда.
Туркия гранди ушбу трансфер учун Саудия клубига 4 миллион евро тўлайди. Kante «Фенербахче» билан 2028 йилга қадар мўлжалланган шартнома имзолаши кутилмоқда. Яқин соатлар ичида футболчи янги жамоаси учун тиббий кўрикдан ўтади.
Эслатиб ўтамиз, Kante 2023 йилнинг ёзида эркин агент сифатида «Al Ittihod» сафига қўшилган эди. Жорий мавсумда 34 ёшли яримҳимоячи барча турнирларда 26 та учрашувда майдонга тушиб, 2 та гол ва 1 та голли узатмани амалга оширди.
Насрулло Каримов
Журналист