Нето «Ювентус»га қайтиши мумкин

«Ботафого»дан кетганидан кейин ҳозирча эркин агент мақомида бўлган бразилиялик дарвозабон Норберто Нето Европага қайтиши мумкин. Бу ҳақда инсайдер Николо Скира ижтимоий тармоқларда хабар берди.

Манбага кўра, 37 ёшли голкипер билан Туриннинг «Ювентус» клуби шартнома имзолаши мумкин. «Кекса синьора»га Камила Грабаранинг жароҳатидан кейин янги дарвозабон зарур бўлиб қолган. Польша терма жамоаси аъзоси хочсимон боғламларидан жароҳат олган ва узоқ муддатга сафдан чиққан.

Нето ҳам «Ювентус»га қайтишга тайёр эканини билдирган. Бразилиялик дарвозабон 2015–2017 йиллар давомида Турин клуби шарафини ҳимоя қилган.

Нето Европада «Барселона», «Валенсия», «Борнмут» ва «Фиорентина» каби клубларда ҳам тўп сурган.

Розикжон Султонмуродов

Журналист

0 0 0 0 0 0