Netflix Жозе Моуриньо ҳақидаги ҳужжатли фильмни тақдим этди
Netflix португалиялик таниқли мураббий Жозе Моуриньо фаолиятига бағишланган янги ҳужжатли фильмни тақдим этишини эълон қилди. “MOURINHO” номли лойиҳа уч қисмдан иборат бўлиб, унинг премьераси 2026-йил 11-август куни бўлиб ўтади.
Фильмда Моуриньонинг мураббийлик фаолияти, “Порту” билан УЕФА Чемпионлар Лигаси ғолиблигидан бошланган муваффақиятли йўли ҳамда “Челси”, “Интер”, “Реал Мадрид”, “Манчестер Юнайтед”, “Тоттенхэм”, “Рома” ва “Фенербахче”даги фаолияти ёритилади. Шунингдек, лойиҳа давомида Сер Алекс Фергюсон, Жон Терри, Златан Ибрагимович, Дидье Дрогба, Самуэль Это'О, Икер Касильяс ва бошқа кўплаб футбол юлдузларининг эксклюзив интервьюлари ҳам намойиш этилади.
Маълумот учун, ҳужжатли фильм сўнгги икки йил давомида суратга олинган. Лойиҳа илгари Дэвид Бекхэм ҳақидаги машҳур ҳужжатли фильмни яратган ижодий жамоа томонидан тайёрланган.
