Нелсон Семеду — «Фенербаҳче» футболчиси
Фото: Getty Images
“Вулверхэмптон” билан хайрлашган Нелсон Семеду фаолиятини Туркияда давом эттиради.
Португалия терма жамоасининг 31 ёшли ўнг қанот ҳимоячиси “Фенербахче” аъзосига айланди. Томонлар 2027 йил ёзигача мўлжалланган шартнома имзолашди.
Эслатиб ўтамиз, футболчи фаолияти давомида “Бенфика” ва “Барселона” каби жамоаларда ҳам ўйнаган. Унинг Transfermarkt’даги нархи 9 миллион еврога тенг.
Семеду ўтган мавсумда Англия Премьер-лигасида 34 ўйин ўтказиб, 4 та голга ассистентлик қилган.
Баҳром Бобонов
Редактор