Неймар жаҳон чемпионати вақтида 880 минг еврога соат сотиб олди
Неймар қимматбаҳо қўл соатлари коллекцияси билан ҳам машҳур.
ФОТО: Getty images
Бразилия миллий терма жамоаси ҳужумчиси Неймар Жаҳон чемпионати–2026даги дам олиш кунида қимматбаҳо харидни амалга оширди.
A Bola маълумотига кўра, 34 ёшли форвард Нью-Йоркдаги машҳур Jacob & Company заргарлик дўконига шахсан ташриф буюриб, қиймати 880 минг евро бўлган янги қўл соатини харид қилди.
Харид жараёни видеога олинган ва бренднинг ижтимоий тармоқларида эълон қилинган. Видеода Неймар ва компания асосчиси Жейкоб Арабо TikTok'да оммалашган вирусли трендда иштирок этгани сабабли ролик кенг тарқалди.
Неймар қимматбаҳо қўл соатлари коллекцияси билан ҳам машҳур. Унинг шахсий тўплами бир неча миллион евро баҳосида экани айтилмоқда. Коллекциядаги айрим эксклюзив намуналарнинг қиймати 2 миллион евродан ҳам ошиб кетади.
Розикжон Султонмуродов
Журналист