Neymar jahon chempionati vaqtida 880 ming yevroga soat sotib oldi
Braziliya milliy terma jamoasi hujumchisi Neymar Jahon chempionati–2026 dagi dam olish kunida qimmatbaho xaridni amalga oshirdi.
A Bola ma'lumotiga ko‘ra, 34 yoshli forvard Nyu-Yorkdagi mashhur Jacob & Company zargarlik do‘koniga shaxsan tashrif buyurib, qiymati 880 ming yevro bo‘lgan yangi qo‘l soatini xarid qildi.
Xarid jarayoni videoga olingan va brendning ijtimoiy tarmoqlarida e'lon qilingan. Videoda Neymar va kompaniya asoschisi Jeykob Arabo TikTok'da ommalashgan virusli trendda ishtirok etgani sababli rolik keng tarqaldi.
Neymar qimmatbaho qo‘l soatlari kolleksiyasi bilan ham mashhur. Uning shaxsiy to‘plami bir necha million yevro bahosida ekani aytilmoqda. Kolleksiyadagi ayrim eksklyuziv namunalar qiymati 2 million yevrodan ham oshib ketadi.
