Неймар дубль қайд этди, «Сантос» ғалабани қўлдан чиқарди
Бразилия А сериясининг 2026 йилги мавсуми 20-туридан ўрин олган учрашувда «Сантос» ўз майдонида «Шапекоэнсе» билан 2:2 ҳисобида дуранг ўйнади.
«Сантос» сафида жамоа етакчиси Неймар икки марта рақиб дарвозасини ишғол қилди. У ҳисобни 36-дақиқада Альваро Барреальнинг узатмасидан сўнг очди. Учрашув сўнгги дақиқаларида, мезбонлар 1:2 ҳисобида ортда бораётган пайтда, Неймар 89-дақиқада пенальтини аниқ ижро этиб, жамоасини мағлубиятдан қутқариб қолди.
«Шапекоэнсе»нинг голларига Марсиньо ҳамда «Сантос» ҳимоячиси Жоао Ананиаснинг ўз дарвозасига киритган автоголи сабаб бўлди.
20 турдан кейин «Сантос» 22 очко билан Бразилия чемпионати турнир жадвалида 14-ўринни эгаллаб турибди. «Шапекоэнсе» эса 10 очко билан 20-ўрин, яъни сўнгги поғонада қолмоқда.
Неймар эса жорий мавсум клуб миқёсидаги 16 та учрашувда 8 та гол уриб, 4 та голли узатма амалга оширган.
