Нефтчи - ОКМК. Превью.
Суперлиганинг ҳал қилувчи босқичлари яқинлашар экан, ҳар бир учрашув тобора ҳаёт-мамот жангига айланиб бормоқда. Ўзбекистон чемпионатининг 25-тур доирасида ОКМК ФК ўзининг асосий рақобатчиларидан бири бўлган — Фарғонанинг «Нефтчи» жамоасига қарши ўтказади.
Ҳозирда «Нефтчи» 24 та ўйиндан сўнг 51 очко билан турнир жадвалининг иккинчи поғонасида бормоқда ва чемпионлик пойгасида фаол иштирок этмоқда. «Кончилар» эса 40 очко билан бешинчи ўринда жойлашган бўлиб, бўлажак рақиби сингари совринли ўринлар учун курашни давом эттирмоқда.
Айнан шу омиллар нафақат икки жамоа ўртасидаги қарама-қаршиликка алоҳида шиддат бағишлайди, балки учрашув натижаси Суперлига жадвалидаги кучлар мувозанатига ҳам бевосита таъсир кўрсатади. Шу боис, ушбу тўқнашув чемпионатнинг марказий ўйинларидан бири сифатида эътироф этилмоқда.
Хусусан, совринли ўринлар учун кечаётган кескин рақобат фонида қўлга киритиладиган ҳар бир ғалаба чемпионлик пойгасининг ҳал қилувчи бурилиш нуқтасига айланиши мумкин.
Мазкур учрашув 19-октябрь куни Фарғонадаги «Истиқлол» стадионида соат 18:15да старт олади.
Суперлига, 25-тур.
«Нефтчи» ва ОКМК ФК
«Истиқлол» стадиони
19-октябрь, якшанба
18:15
