Назорат учрашуви: \"Шўртан\" 2:1 \"Лочин\"

Пролига стартига саноқли кунлар қолди. Севимли жамоамиз мавсум олдидан яна бир назорат учрашувида майдонга тушди. Бу сафар жамоамизга Қарши давлат университетининг "Лочин" жамоаси рақиблик қилди.

Учрашув давомида Юрий Клочков икки бор рақиб дарвозасини ишғол қилиб, жамоамиз ғалабасига муносиб ҳисса қўшди. Рақиб жамоа эса битта гол билан жавоб қайтарди.

Якунда ўртоқлик учрашуви 2:1 ҳисобида жамоамиз фойдасига ҳал бўлди.

Шу тариқа, жамоамиз қисқа танаффусга йўл олди. Ғузорликлар 24-март куни ўз қароргоҳларида яна йиғилиб, янги мавсумга тайёргарликни давом эттирадилар.

Иброҳим Жалолов

Редактор