Назорат учрашуви. ОКМК «Андижон»ни йирик ҳисобда мағлуб этди

Давралар оралиғида юзага келган танаффусдан самарали фойдаланишни мақсад қилган ОКМК Олмалиқда «Андижон» клуби билан ўртоқлик учрашувини ўтказди.

Ўйин ўзига хос форматда – ҳар бири 35 дақиқа давом этган тўртта тайм шаклида ўтди. Голларга бой тарзда кечган баҳсда вакилларимиз 5:1 ҳисобида ғалаба қозонишди.

Учрашувнинг барча таймларида ОКМК ФК ташаббусни ўз қўлида ушлаб, рақиб ҳимоясига мунтазам босим ўтказиб турди. Тезкор ҳужумлар ва интизомли ўйин натижасида «кончилар» кетма-кет голлар уриб, якунда йирик ҳисобдаги ғалабани қўлга киритишди.

Назорат ўйини.
26-июл.
«ОКМК спорт мажмуаси» стадиони.
ОКМК ФК — «Андижон» 5:1
Голлар: Акбар Ўктамов (45), Али Абдураҳмонов (49), (51), Ажак Риак (98), Рубен Санчез (139) — Дамир Темиров (27)

Баҳром Бобонов

Редактор