Nazorat uchrashuvi. OKMK «Andijon»ni yirik hisobda mag'lub etdi
Davralar oralig‘ida yuzaga kelgan tanaffusdan samarali foydalanishni maqsad qilgan OKMK Olmaliqda «Andijon» klubi bilan o‘rtoqlik uchrashuvini o‘tkazdi.
O‘yin o‘ziga xos formatda – har biri 35 daqiqa davom etgan to‘rtta taym shaklida bo‘lib o‘tdi. Gollarga boy tarzda kechgan bahsda vakillarimiz 5:1 hisobida g‘alaba qozonishdi.
Uchrashuvning barcha taymlarida OKMK FK tashabbusni o‘z qo‘lida ushlab, raqib himoyasiga muntazam bosim o‘tkazib turdi. Tezkor hujumlar va intizomli o‘yin natijasida «konchilar» ketma-ket gollar urib, yakunda yirik hisobdagi g‘alabani qo‘lga kiritishdi.
Nazorat o‘yini.
26-iyul.
«OKMK sport majmuasi» stadioni.
OKMK FK — «Andijon» 5:1
Gollar: Akbar O‘ktamov (45), Ali Abdurahmonov (49), (51), Ajak Riak (98), Ruben Sanchez (139) — Damir Temirov (27)
