Назорат баҳси. ОКМК «Локомотив» билан дуранг ўйнади
Учрашув ўзига хос форматда – ҳар бири 35 дақиқа давом этган тўртта тайм шаклида ташкил этилди.
photo: OKMK FK
ФИФА кунлари сабаб юзага келган танаффусдан унумли фойдаланишни мақсад қилган ОКМК жамоаси бугун Тошкентда «Локомотив»га қарши назорат учрашувини ўтказди.
Учрашув ўзига хос форматда – ҳар бири 35 дақиқа давом этган тўртта тайм шаклида ташкил этилди. Баҳс давомида иккала жамоа ҳам фаол ва ҳужумкор ўйин намойиш этди. Натижада голларга бой тарзда кечган беллашув 3:3 ҳисобидаги дуранг натижа билан якунланди.
Учрашувдаги голларни Миржамол Қосимов, Али Абдураҳмонов ва Рубен Санчез, Шодибоев, Абдусаломов ва Шулаялар киритди.
Назорат ўйини.
5-сентябр. «Дўрмон қароргоҳи» стадиони.
ОКМК — «Локомотив» 3:3
Голлар: Миржамол Қосимов, Али Абдураҳмонов ва Рубен Санчез, Шодибоев, Абдусаломов, Шулая.
Иброҳим Жалолов
Редактор
