«Навбаҳор» ўртоқлик учрашувида Беларус клубини мағлуб этди
“Навбаҳор” Беларус пойтахти Минскда ўқув-машғулот йиғинини ўтказишмоқда.
Сергей Лушан шогирдлари мазкур йиғин доирасида бугун навбатдаги халқаро ўртоқлик ўйини ўтказишди. “Лочинлар”га бу сафарги баҳсда “Сморгон” (Сморгон) жамоаси спарринг - рақиб бўлди.
Таъкидлаш жоизки, ушбу учрашувда “Навбаҳор” устози Сергей Лушан жамоамиз ҳар икки бўлимда икки хил таркиб билан ҳаракат қилишини лозим топди. Биринчи бўлимда баҳс нурсиз дуранг – 0:0 ҳисобида якунланган бўлса, якунда футболчиларимиз 1:0 ҳисобида ғалаба қозонишди. Учрашувдаги ягона гол жамоа сардори Азимжон Аҳмедов томонидан учрашувнинг иккинчи бўлимида пеналтидан киритилди.
“Навбаҳор” учрашувни қуйидаги таркибда ўтказди.
Биринчи бўлим: Умиджон Эргашев, Игор Габриел, Мирзоҳид Ғофуров, Жулио Cезар, Муҳаммадбобур Мўйдинов, Шоҳмалик Комилов, Жавоҳир Абдужабборов, Аббосжон Ғуломов, Муҳаммадали Ғиёсов, Наврўзбек Иминжанов, Забиҳилло Ўринбоев.
Иккинчи бўлим: Шукрон Йўлдошев, Азимжон Аҳмедов, Гилермо Гедеш, Саидазамат Мирсаидов, Достонбек Абдулхаев, Шерзод Ғуломжонов, Русланбек Жиянов, Комил Тожиддинов, Жамшид Болтабоев, Мухсин Хабибуллаев, Педро.
