\"Navbahor\" o‘rtoqlik uchrashuvida Belarus klubini mag‘lub etdi
“Navbahor” Belarus poytaxti Minskda o‘quv-mashg‘ulot yig‘inini o‘tkazmoqda.
Sergey Lushan shogirdlari mazkur yig‘in doirasida bugun navbatdagi xalqaro o‘rtoqlik o‘yinini o‘tkazishdi. “Lochinlar”ga bu safargi bahsda “Smorgon” (Smorgon) jamoasi sparring – raqib bo‘ldi.
Ta’kidlash joizki, ushbu uchrashuvda “Navbahor” ustozi Sergey Lushan jamoamiz har ikki bo‘limda ikki xil tarkib bilan harakat qilishini lozim topdi. Birinchi bo‘limda bahs nursiz durang – 0:0 hisobida yakunlangan bo‘lsa, yakunda futbolchilarimiz 1:0 hisobida g‘alaba qozonishdi. Uchrashuvdagi yagona gol jamoa sardori Azimjon Ahmedov tomonidan uchrashuvning ikkinchi bo‘limida penaltidan kiritildi.
“Navbahor” uchrashuvni quyidagi tarkibda o‘tkazdi.
Birinchi bo‘lim: Umidjon Ergashov, Igor Gabriel, Mirzohid G‘ofurov, Julio Cezar, Muhammadbobur Mo‘ydinov, Shohmalik Komilov, Javohir Abdujabborov, Abbosjon G‘ulomov, Muhammadali G‘iyosov, Navro‘zbek Iminjanov, Zabiҳillo O‘rinboev.
Ikkinchi bo‘lim: Shukron Yo‘ldoshev, Azimjon Ahmedov, Gilermo Gedesh, Saidazamat Mirsaidov, Dostonbek Abdulhaev, Sherzod G‘ulomjonov, Ruslanbek Jiyanov, Komil Tojidinov, Jamshid Boltaboev, Muxsin Xabibullaev, Pedro.
