\"Навбахор\" аёллар жамоасидан йирик ҳисобда ғалаба!
PHOTO: Telegram
Аёллар футболи бўйича Биринчи лиганинг 5-тур баҳслари бўлиб ўтди.
Мазкур тур доирасидаги ўйинда Карима Юлдашева мураббийлик қилаётган “Навбахор-Women” аёллар жамоаси Муборакда “Машъал-Women” меҳмони бўлиб, йирик – 4:0 ҳисобида ғалаба қозонди.
Таъкидлаш жоизки, вакилларимиз танаффусга 2:0 ҳисобидаги устунлик билан чиқиб кетишганди ва 2-бўлимда яна 2 та гол уриб, йирик ҳисобдаги ютуқни расмийлаштиришди.
Ушбу ўйинда аёллар жамоамизнинг тажрибали ярим ҳимоячиси Зухра Абдураҳимова 3 та гол уриб, “хет-трик” қайд этган бўлса, яна битта голга Рўзигул Турсунова муаллифлик қилди.
Иброҳим Жалолов
Редактор