\"Navbahor\" ayollar jamoasidan yirik hisobda g‘alaba!
PHOTO: Telegram
Ayollar futboli bo‘yicha Birinchi liganing 5-tur bahslari bo‘lib o‘tdi.
Mazkur tur doirasidagi o‘yinda Karima Yuldasheva murabbiylik qilayotgan “Navbahor-Women” ayollar jamoasi Muborakda “Mash’al-Women” mehmoni bo‘lib, yirik – 4:0 hisobida g‘alaba qozondi.
Ta’kidlash joizki, vakillarimiz tanaffusga 2:0 hisobidagi ustunlik bilan chiqib ketishgandi va 2-bo‘limda yana 2 ta gol urib, yirik hisobdagi yutuqni rasmiylashtirishdi.
Ushbu o‘yinda ayollar jamoamizning tajribali yarim himoyachisi Zuhra Abdurahimova 3 ta gol urib, “xet-trik” qayd etgan bo‘lsa, yana bitta golga Ro‘zigul Tursunova mualliflik qildi.
Ibrohim Jalolov
Redaktor