\"Насаф\" яна Ўзбекистон Кубогида гуруҳ босқичида курашни тўхтатиши мумкин
Ўзбекистон Кубоги гуруҳ босқичида 2-тур учрашувлари давом этмоқда.
Куни кеча “Насаф” Олмалиқда ОКМКга кутилмаганда мағлуб бўлди. Дастлаб Драган Чераннинг икки голи эвазига ҳисобда олдинга чиқиб олган Рўзиқул Бердиев шогирдлари ғалабани сақлаб қола олмади.
Иккинчи бўлимда Миржалол Қосимов таркибда бир қатор ўзгаришларни амалга оширди. Натижада олмалиқликлар уч маротаба Абдувоҳид Неъматов қўриқлаётган дарвозага йўл топиб, ғалабани илиб кетишди.
Учинчи турда “Насаф” Тошкентда “Пахтакор” билан куч синашади. ОКМК эса уйда “Навоий ФА”ни қабул қилади. Бу ўйинда олмалиқликлар ғалаба қозониши деярли аниқ. “Насаф” эса кейинги босқичга чиқиш учун “Пахтакор"ни енгиши керак. Акс ҳолда ўтган йилдаги каби гуруҳ босқичидаёқ курашни тўхтатишига тўғри келади.
