Насаф футбол мактаби тарбияланувчилари терма жамоаларга чақирилди
Барчага маълумки, "Насаф" футбол мактаби турли ёшдаги терма жамоаларга иқтидорли футболчилар етказиб беришда етакчилардан бири ҳисобланади.
Нурали Қўнғиров бошчилигидаги "Насаф" U-16 жамоаси аъзолари — Ҳасан Уралов, Ҳусан Уралов, Жасур Баҳриддинов ва Шоҳжахон Эшбоев Ўзбекистон U-16 терма жамоасига чақирилди. Ушбу терма жамоа 6–17 май кунлари Хитойда бўлиб ўтадиган халқаро мусобақада иштирок этади.
Шунингдек, Денис Қаюмов мураббийлигидаги "Насаф" U-15 жамоаси аъзолари — Рустам Абдураимов, Оғабек Фарманов ва Сардорбек Эшмуродовлар ҳам Ўзбекистон U-15 терма жамоасидан чақирув олди. Улар 7–14 май кунлари Арманистонда ўтказиладиган халқаро турнирда иштирок этишади.
Терма жамоалардан чақирув олган барча футболчиларимизга ҳамда юртимиз шарафини ҳимоя қилаётган терма жамоаларимизга омад тилаймиз!
