Nasaf futbol maktabi tarbiyalanuvchilari terma jamoalarga chaqirildi
Barchaga ma’lumki, "Nasaf" futbol maktabi turli yoshdagi terma jamoalarga iqtidorli futbolchilar yetkazib berishda yetakchilardan biri hisoblanadi.
Nurali Qo‘ng‘irov boshchiligidagi "Nasaf" U-16 jamoasi a’zolari — Hasan Uralov, Husan Uralov, Jasur Bahriddinov va Shohjahon Eshboyev O‘zbekiston U-16 terma jamoasiga chaqirildi. Ushbu terma jamoa 6–17 may kunlari Xitoyda bo‘lib o‘tadigan xalqaro musobaqada ishtirok etadi.
Shuningdek, Denis Qayumov murabbiyligidagi "Nasaf" U-15 jamoasi a’zolari — Rustam Abduraimov, Og‘abek Farmonov va Sardorbek Eshmurodovlar ham O‘zbekiston U-15 terma jamoasidan chaqiruv oldi. Ular 7–14 may kunlari Armanistonda o‘tkaziladigan xalqaro turnirda ishtirok etishadi.
Terma jamoalardan chaqiruv olgan barcha futbolchilarimizga hamda yurtimiz sharafini himoya qilayotgan terma jamoalarimizga omad tilaymiz!
