«Наполи» Влаховични сотиб олмоқчи
Фото: Getty Images
"Наполи" Ромелу Лукаку жароҳатидан сўнг ҳужум чизиғини кучайтириш ҳаракатларини бошлади.
La Gazzetta Dello Sport хабарига кўра, неаполликлар "Ювентус" ҳужумчиси Душан Влахович вариантига эътибор қаратмоқда.
Клуб аллақачон сербиялик 25 ёшли футболчи борасида унинг вакиллари билан боғланиб, эҳтимолий трансфер юзасидан суҳбат ўтказган.
“Милан” ҳам Душан учун курашмоқда. Массимилиано Аллегри ҳужум чизиғида Влаховични кўришни хоҳламоқда.
"Бьянконерилар" Влаховични 20 миллион еврога сотиб юборишга тайёр.
Баҳром Бобонов
Редактор
