“Наполи” Де Брюйненинг эҳтимолий кетиши ҳақидаги миш-мишларга муносабат билдирди
Сўнгги кунларда бельгиялик футболчининг Туркия ва Саудия клубларига ўтиши мумкинлиги ҳақида хабарлар пайдо бўлди.
ФОТО: Getty Images
“Наполи” спорт директори Жованни Манна Кевин Де Брюйненинг келажаги борасидаги миш-мишларга изоҳ берди. Унинг сўзларига кўра, бельгиялик ярим ҳимоячининг клубни тарк этиши ҳақида ҳозирча ҳеч қандай гап йўқ ва у жамоа лойиҳасининг муҳим қисми ҳисобланади.
“Кевин бизнинг футболчимиз ва биз ундан тўлиқ мамнунмиз. Унинг кетиши бўйича ҳеч қандай музокара олиб борилмаяпти. У янги мавсумда ҳам жамоамизнинг муҳим футболчиларидан бири бўлади.”
Сўнгги кунларда Де Брюйненинг Туркия ёки Саудия Арабистони клубларига ўтиши мумкинлиги ҳақида хабарлар тарқалган эди. Бироқ “Наполи” раҳбарияти бу миш-мишларни рад этиб, 35 ёшли футболчини сақлаб қолиш ниятида эканини билдирди. Футболчининг клуб билан амалдаги шартномаси 2027 йилнинг ёзигача амал қилади.
Насрулло Каримов
Журналист