«Наполи» Аллегри билан музокара ўтказмоқда
У билан икки йиллик шартнома бўйича дастлабки келишувга эришилган.
ФОТО: Getty images
Журналист Жанлука Ди Марционинг хабар беришича, «Наполи» аввалги куни «Милан»дан истеъфога чиқарилган Массимилиано Аллегри номзодини кўриб чиқмоқда — у билан икки йиллик шартнома бўйича дастлабки келишувга эришилган.
Эътиборлиси, Аллегри номзоди «Наполи» учун устувор эмас. Клуб шунингдек Винченцо Итальяно билан ҳам алоқага чиққан ва дастлабки музокаралар яхши ўтган. Айни дамда «Болонья»ни бошқараётган мураббий ўз келажагини ҳозирги жамоаси раҳбарияти билан муҳокама қилиши керак бўлади.
Аввалроқ «Милан» Аллегри ва ишдан бўшатилган раҳбариятга 20 миллион евродан ортиқ товон пули тўлаши маълум бўлганди.
Розикжон Султонмуродов
Журналист